क्रिकेट सामना व निरोप समारंभ २०१० वृतांत

१२ जून २०१० ह्या दिवशी सकाळी 'जुनियर विरुद्ध सिनियर' असा क्रिकेट सामना, आणि संध्याकाळी निरोप समारंभ पार पडला. सकाळी १० वाजता सामन्यास सुरुवात झाली. पावसाचे सावट होतेच. जुनियर संघाचा कप्तान कृष्णा आणि सिनियर संघाचा कप्तान पवन यांच्यामध्ये नाणेफेक झाली. जुनियर संघाने नाणेफेक जिंकून फलंदाजी स्वीकारली. ह्या संघाकडून कृष्णा, हृषिकेश, ऋषिकेश, हर्षवर्धन इत्यादींनी चांगला खेळ केला, परंतु त्यांचे एकेक फलंदाज सिनियर संघाच्या मार्‍यापुढे बाद होत गेले आणि त्यांनी सिनियर संघासमोर १३८ धावांचे आव्हान ठेवले. सिनियर संघाकडून पवन, हृषिकेश, अनुप, सौरभ इत्यादींनी उत्तम गोलंदाजी करून प्रतिस्पर्ध्यांना नामोहरम केले.

सिनियर संघ फलंदाजीस उतरला तोच एक नवा विश्वास घेऊन. कप्तान पवन आणि पल्लवी प्रथम फलंदाजीस उतरले. जुनियर संघाने गोलंदाजीचा केलेला मारा पवनने लीलया परतवून अनेक वेळेस चेंडू सीमापार धाडला. पल्लवीला बाद करण्याचे जुनियर संघाचे इरादेही निष्फल ठरले. तिने एकाच ठिकाणी उभे राहून प्रसंगी वेगवान चेंडूंचा मारा आपल्या अंगावर घेत प्रतिस्पर्धी गोलंदाजीला तोंड दिले व अधून मधून काही टोलेही लगावले. अश्या प्रकारे सिनियर संघाने एकही खेळाडू बाद न होऊ देता जुनियर संघाचा दारूण पराभव केला. ह्यानंतर काही जणांनी कंटाळून मिश्र-संघ-रचनेचा प्रस्ताव मांडला, व त्याप्रमाणे खेळास सुरुवातही झाली, पण अचानक आलेल्या पावसामुळे सर्वांची निराशा झाली.

ह्यानंतर संध्याकाळी निरोप समारंभ आयोजित केला होता. कार्यक्रमाची सुरुवात मंदारच्या हस्ते दीपप्रज्वलनाने झाली. ह्या कार्यक्रमामध्ये एक सापशिडीचा खेळ व त्याला जोडून इतर छोटे खेळ अशी रचना होती. आलेल्या सर्व उपस्थितांमध्ये गट पाडण्यात आले, व प्रत्येक गटातला एकेक जण पायर्‍यांवर आखलेल्या 'गणितीय' सापशिडीवर आपल्या संघाच्या दानावर उभा राहिला. ह्यानंतर छोटे छोटे खेळ आणि 'टेट्राहेड्रल' फास्यांचे दान ह्यांमधून खेळ पुढे जात राहिला. शेवटी विजयी संघाची घोषणा करण्यात आली.

कार्यक्रमाच्या शेवटी अमृतच्या हस्ते निमंत्रितांना भेटवस्तू आणि भेटकार्डे देऊन औपचारिक निरोप देण्यात आला. सर्वांनी निरोप घेताना आपल्या भावनांना वाट करून दिली व आपल्या भविष्यातील कल्पनांबाबतही सर्वांना माहिती दिली. सर्वांनी निरोपार्थींना पुढील वाटचालीसाठी शुभेच्छा देतानाच संपर्कात राहण्याविषयीही आश्वासन दिले. निरोपार्थींची संख्या अपेक्षेपेक्षा अत्यंत कमी होती, परंतू खेळीमेळीच्या वातावरणात झालेल्या कार्यक्रमामुळे सर्वांनाच मजा आली.

गुढीपाडवा २०१० वृत्तांत

मराठी नववर्षाची सुरुवात म्हणून साजरा केला जाणारा गुढीपाडवा हा उत्सव दर वर्षी प्रमाणे याही वर्षी उत्साहात पार पडला. ह्या निमित्ताने CHEP Seminar Hall मध्ये 'तो मी नव्हेच' ह्या प्रसिद्ध नाटकाची ध्वनी-चित्र-चकती (VCD) दाखवण्यात आली.

कार्यक्रमाची सुरुवात गणित विभागाच्या पाटील सरांच्या हस्ते दीपप्रज्वलनाने झाली. त्यानंतर शंतनुने गुढीपाडव्याविषयी थोडक्यात माहिती देऊन त्या दिवशीच्या कार्यक्रमाचे स्वरूप स्पष्ट केले. ह्यानंतर नाटक दाखवण्यात आले. प्रभाकर पणशीकर यांच्या पंचरंगी भूमिकेमधून उलगडत जाणार्‍या गोष्टी आणि विनोदांची पखरण, लखोबा लोखंडे ह्या पात्राने न्यायालयात दिलेला कबुलीजबाब, साक्षी-पुरावे, राधेश्याम महाराजांचे प्रवचन ह्या सर्वांमुळे खूप मजा आली. मध्यंतरामध्ये पुरी-भाजी, गुलाबजाम असा अल्पोपाहाराचा बेत होता.

सभागृहाच्या बाहेर काढलेल्या आकर्षक रांगोळीनेही अनेकांचे लक्ष वेधून घेतले. कार्यक्रमाला सुमारे ८० लोक पारंपारिक रंगीबेरंगी पोषाखात उपस्थित होते.

मराठी मंडळ टी शर्ट

विक्रीकेंद्र -
कुठे - ए, बी, सी मेस च्या बाहेर,
कधी - २९ आणि ३० जून २०१०
किती वाजता - दुपारी १२ ते १:३० आणि संध्याकाळी ७:३० ते ९
किंमत - २०० रुपये

टी शर्ट कसे आहेत?
रंग - Black (with white print), Navy blue (with orange print)

Size - S, M, L, XL, XXL

निरोप समारंभ

गुढीपाडवा

• Please note that it is a DVD show.
• Snacks will be served outside the seminar hall. No eatables are allowed in the seminar hall.
• Guest Coupons will be available for Rs.50/-